VIP Night @ Harvey Norman

尋晚放工之後，返屋企換件衫就出門口，
因為我地一家要去Harvey Norman & Domayne 既vip night

Harvey Norman 係澳洲其中一間最大既電器用品專門店，
而Domayne就係一間比較高級既家具店，
幾個星期先收到invitation,
佢地2間係perth city 既分店尋晚會有個vip night,
有野食，有酒飲, 有活動, 重有特別減價添~~

雖然唔知點解今年會收到邀請，
但呢d活動唔係經常有，
所以都抽時間去睇下, 8下~

到達大約6點左右，好準時~
因為湊住誠俊，雖然有得玩(我指我同爸爸~)
但當然又唔可以太夜返屋企喇~

門口有D隆重，有紅地毯歡迎你~


去到發現有D人比我地重早到，已經開始飲飲食食了~
無限量香檳, 紅酒,白酒,啤酒,汽水任飲~



我要左杯香檳, 好飲~
爸爸飲啤酒~~
入門口派既減價詳情，密密麻麻~~
真係好多平野~~好抵~~
樣樣都想買~~~


在場有好幾個姐姐不停咁serve小食~


有三文魚，有rice ball, 有雞串, 重有蝦~~


係我地兩公婆享受緊難得既night out果陣，
我地個仔仔都好合作，自己去搵周公玩~


咁我同爸爸就一路飲一路行下，睇下有無野啱咁喇~
見到kenwood呢set colormix 既水煲多士爐好想買~~
d顏色好靚~
15%off 真係算平左好多~
但...我屋企果d都重好新又未壞...


其實我地兩公婆好鬼鐘意行呢d電器鋪同家具店，
唔買都睇下，了解下行情，睇下有咩最新既野~
老公呢期勁迷Dyson既吸塵機，
其實上年已經買左個miele, 都唔平喇係咪~
又係佢自己買既, 呢期見d哥出新機又心思思想買...
但要2個吸塵機用咩!!??

 

我呢期就target要換個煮食爐頭~
呢隻5個頭好正呀~~~


呢樣係我地屋企最需要換既野。
因為果煮食爐頭係入伙時上手業主留低既，
當時佢都係新買幾個月，
所以我地見都ok，可以用住先，
但之後發覺佢果爐有2個弊病:
第一, 佢火力好弱，好難炒餸~
第二, 佢無自動熄煤氣功能，即係如果個火忽然熄左(被風吹/滾瀉)
煤氣仍然會不停咁出，唔會停~~
咁樣係超級危險~
以前無小朋友，做野無咁分心，都重可以提自己小心d
但而家太多野要顧，加上個爐頭用左一段日子，
就決定買個新既~安全d~

係我地睇爐頭後面有烹飪示範~

佢啱啱煮完Gnocchi, 又有得試食~~

我地最後都係敵不過佢既減價優惠,
(定係飲多左2杯??哈哈~)
order左個新爐，
同我之前預算既budget平左~
加上食左人地咁多野，點計應該都唔會買貴既~~~

而家希望佢送貨準時，可以係嫲嫲到之前可以搞掂，
咁到時我地一家就有好野食喇~~
(因為嫲嫲係廚神黎架~~
煮野食好好味架~~)

so far 我同老公都好enjoy今晚既活動，
因為都好耐無參與呢d event,
以前係hk, 工作需要，好多時都會有咁既機會,
希望下次佢會再invite我地去呢d活動喇~~