出牙仔--- 發燒了

誠俊今日係10月3星期大，已經有6隻牙仔，
上面4隻，下面2隻。
之前出咁多隻牙牙都無咩特別發燒, 或者肚痾，
但最近佢下面準備出第3,4隻，佢尋晚3:30AM就發燒~
38.2c，即刻俾佢食退燒藥，餵佢飲水水同用暖水抹身~
無幾耐見佢無咁熱，退咁d，就安心再訓過~




今朝起身又無晒事，精精神神咁~
開頭怕佢唔舒服會返唔到學，
但見佢醒左之後又玩又笑又睇電視,
咁出牙仔發燒好小事，都係返學玩下好，
佢又鐘意返去見同學仔一齊食一齊玩~~


不過我估今次出既呢2隻牙仔一定係好唔舒服，
因為呢期佢不停搵野咬，
平時坐車車在會靜靜咁坐睇下風景,
但呢個星期一定要食餅餅或者咬其他野先收聲,
無野咬就不停咁大叫~~ 呀呀呀嘩嘩嘩~~

10個月大, 有6隻牙仔，
算唔算早呢?
我見朋友既bb 13個月大先出第一隻牙~~
我諗可能係因為誠俊又為食又喜歡食，
所以佢自覺地出多d快d，咁樣先可以食多d野~~~

其實我最鐘意誠俊訓醒起身果段時間,
因為一定係開心笑，好滿足咁既樣，
有時佢早起身過我地，
佢會爬去我地度，
用個頭仔去"hung"我個頭，
有時重用佢好多口水既咀仔去"hung"我塊面，
好似kiss kiss咁，好鬼sweet~~~
(雖然有時佢唔知點解會咬我個鼻~~)

-----------------