打敗仗的週末(下)

星期日依舊在家休息，
因為小朋友病, 係呢邊睇醫生都無藥食，
醫生都係叫你休息多D，靠自身既抵抗力慢慢好,
要去到好嚴重先會開抗生素俾你食,
同香港既醫生好唔同...雖然我睇呢位醫生本身都係香港人....

咁我一早起身無咩野做，
就黎一個"大洗廚房"，
抹晒所有櫃門，雪櫃門, 爐頭....
搞左一大輪，好鬼攰~~~~~
之後爸爸就出手煮午餐~~

爸爸好耐無出山落手煮野食喇,
其實爸爸煮野食好叻架~
不過自從佢送左個廚房俾我之後,
佢就"借d 而"收山唔煮lu.....

今日食炒米粉，有雞肉雞蛋芽菜紅蘿蔔椰菜~
配埋自家制既酸辣椒, 簡單得黎又好味~~


因為個米粉無咩落油，所以誠俊都有份食~
你睇佢有野食個樣幾開心~~

抖左1 日都精神左好多，但重有鼻涕~~
不過一有野食，即刻又好多幾成~~

夜晚無煮飯，係花園食自家韓燒~~


好簡單，得4樣材料...
和牛肋骨條，豬腩片，自家種既秀珍菇同生菜~
話時話我d秀珍菇已經係第4造,
唔知重有無得生呢~~~

最鐘意咁樣包住食~~

連貓貓都係度8卦我地食野~~