**Perth之食玩行** -- Hippo Creek Bar & Grill

每次同其他人講我地住係澳洲柏斯(伯斯/栢斯),
好多人既反應都, "哦"、"好悶架wor"、"鄉下地方"、"咩都無"....
大家對柏斯既印象比較差，覺得我地點解揀呢度，
唔去Sydney, Melbourne果d 大城市。

的確以前既西澳係一直被其他人,
甚至俾澳洲人遺忘既一個地方，
因為西澳太遠，又無咩價值，
但近10年左右，佢地發現呢邊有礦產之後，
perth 就一夜之間變得不一樣~

而家 perth 發展得好好，咩都有，
多左好多好正既餐廳，有好多值得去既地方，
等我有時間慢慢同大家介紹下我地好喜歡既第2個家~~

今次先講食~~

大約個幾禮拜前既某個平日下午，
我同爸爸襯誠俊返左學，
就偷左少少時間去食餐好~~
(真係湊住個仔，有時想去拍拖食個飯都難...)

我地去左呢間新開既Hippo Creek Bar & Grill,
呢間主打非洲燒烤既餐廳有幾間分店，我地去呢間係最新開既~

其實知道有呢間餐廳好耐，
因為佢其中一間分店係貴價遊艇碼頭兼旅遊區 Hillarys,
價錢真係嘩~嘩~嘩~~所以一直都無興趣去試~

直到今次佢因為呢間分店新開張，推出Promoton，
$49 買張coupon, 可以order 價值 $100 既食物，
就係咁我地就可以去豪一豪試新野喇~

入面既裝修好 modern , 好簡潔，
分左酒吧 同餐廳2邊~ 

我地到既時間已經係下午2點幾，所以無咩人~~

酒吧區係自助式, 自己去order之後佢俾個beepbeep你，
野食ready 個beepbeep就會響, 咁自己再去counter攞~
酒吧餐牌菜式會簡單d，價錢親民d。

餐廳果part 就有人serve 你，唔洗自己行黎行去，
餐牌會有佢地出名既dry aged beef同其他靚d既野食，
不過價錢係佢地一貫既貴....

我地張coupon只可以係酒吧區用，
雖然我地係用coupon,
但食物出黎既一d都唔差，
(其實點只唔差，係好好至啱~~~)

賣相一流，味道都好唔錯~~~ yumyum~~

呢個簡直份量大得驚人~~
有bbq pork ribs, 雞翼 &雞柳~

重有呢個足料熱辣辣pizza~~

完全無諗過佢既分量係咁大，
我地好努力咁食，最後都重有2件pizza剩....
味道真係好唔錯，而且環境好正，
正價黎食既話 total係au$103,
因為有coupon既關係，呢餐係au$52.

今次試食之後，
爸爸都覺得有機會一定要試下貴價餐廳果邊既牛扒~

號外: 與媽媽甜蜜蜜的分享(有片睇)

湊小朋友真係唔容易,
真係要花好多心機，時間，金錢同愛心，
但同時間小朋友俾到父母既歡樂同甜蜜，
真係千金難買~~

好似誠俊哥咁，
佢真係好可愛好Sweet，
前晚食飯果陣俾左條青豆佢自己揸住食，
點知佢竟然主動請返媽媽食，
重要親自餵媽媽食添~~

我見到仔仔咁做，個心真係好SWEET~
而且見到佢成功餵到我食之後果個表情同眼神，
好開心、好甜既感覺，
簡直好似有十萬個心心圍住我地咁~~

之後想測試下佢會唔會同樣咁請爸爸食,
結果真係令爸爸傷心....
因為佢....望都無望過爸爸....
淨係追住餵我食...
沒0%

杯屠李

一歲生日會 --- 倒數30日

誠俊既一歲生日會, 會提早係下個月29號舉行~
身為爸爸媽媽既我地當然唔可以偷懶，要做足準備喇~~
話晒係仔仔第一個birthday party, 唔可以太求其，
要俾返個好回憶仔仔, 因為未必年年生日都大搞，
咁今次係第一個，就盡量做靚d又做足d喇~
生日會既地點會係我地屋企，
因為我同爸爸覺得屋企係最適合既地方,
而且上年同誠俊搞滿月既時候都好成功，
所以再係屋企搞應該都無問題~

今次我想個party效果好d，所以決定要揀個主題，
等D佈置、invitation card、color可以統一一D,
好似滿月果陣我地好簡單咁用baby blue 顏色既汽球同枱布，
影相出黎好靚~

呢位咁靚既當然唔係坐月中既我啦，係靚婆婆是也~~

我之前就上網不停咁search係"baby 1st party theme",
咁就搵到澳洲有間online shop 叫 Pinkfrosting
入面專賣party野賣，有好多選擇，
但價錢一般，唔算平，但就比其他鋪頭多好多野揀~

之後再睇下睇下，俾我搵到美國既另一間online shop
叫 birthday in a box
佢真係網如其名，真係超級多birthday theme既用品賣，
而且同一件貨，比pinkfrosting價錢重平一節添，
最重要係佢會寄澳洲架~~~

搵啱地方之後，就開始揀theme喇~
真係太多，揀到眼都花~
有蜜蜂, 有海洋, 有車車, 又disney~~~
我真係花左好多時間先揀到而家呢個主題~~

經 birthday in a box 買野都大約10日就收到，
而且customer service 係有人follow up，而且好快有 respond~
so far第一次幫襯，感覺唔錯, 下次可以再買過~
(唔好誤會, 介紹佢我無$$收架~ 只係有好野分享下)而今次我其實買左d咩??
當然要保持些神秘感先，之後再post俾大家知~~


有地點, 有主題, 跟住梗係到蛋糕同食物喇~

蛋糕今次我地決定去 perth 其中一間最有名既餅店- Corica 訂~
佢出品既apple strudel 可以話係全澳洲最好食既~~
唔係淨係我講，網上好多人都咁講架~
因為唔想花太多$$係蛋糕呢個item,
加上誠俊咁細又未識欣賞d卡通cake，
簡單買個好食既就ok喇~

party最重要當然係野食，
你睇下上年滿月既情況~~
有生蠔, 壽司(外賣), 蒜蓉蝦，香茅雞翼, 炒米粉, 燒肉.....

今次因為人數比上次多，所以野食要預多d~
生蠔, 壽司(外賣), 蝦，雞翼, 炒米粉呢幾樣係"膽"黎既,
所以都會整返，不過煮法會有d唔同，
但我重未諗到點唔同~~
至於其他野食....
我想整樣"炆"既, 整樣"焗"...
咁樣可以提早整好，慳D時間
再整1-2樣俾小朋友....
又想有d菜或者沙律....
爸爸又話想加d BBQ野，等佢可以用佢新既BBQ 爐....

就係呢個BBQ 爐，今年花園既新成員~
一次可以燒好多野食，
唔洗慢慢等，好快有得食~~

因為太多心，所以到呢一刻，我個MENU都未度掂.......