打敗仗的週末(上)

呢個星期六日無特別地方去過，因為阿誠俊哥病左~~
星期五返學見佢有2聲咳，同老師講，等佢注意下，
點知老師回我一句，"it's around the room".....
轉天氣，個個同學仔都病病地... 走唔甩....
到接放學果下, 佢已經流晒鼻涕...
唉...咁大隻都頂唔住...

星期六日頭係屋企休息，夜晚去左朋友屋企BBQ ~
因為朋友住隔離街，又有姐姐同誠俊玩，所以都過去坐陣食下野~

大家睇下仔仔個樣幾殘...
呢一刻算精神，因為有野玩~

係姐姐面前耍扇....
但姐姐好似麻麻欣賞噃~

姐姐企係度好耐，都係同一個表情......

誠俊你唔掂呀~~~之後點追女仔呀~~

悶到姐姐都走埋，得自己係度玩~

之後佢發現姐姐走左去玻璃門果邊，佢又爬爬爬去8埋一份~~

佢地見到出面好多人又好多野食, 但佢地又出唔到去，
得個望字~~

無耐仔仔又出左去人地個花園玩，今次有車車坐~~

唔知點解佢坐上車之後，雖然病病地，
但仍然好有SENSE咁識揸軚盤~~
可能睇得我地揸車睇得多~

呢架車仔，我細個果陣好似返幼稚園已經有,
當年係紅色既, 果時覺得好靚好有型~
估唔到咁多年之後，重有得賣~

仔仔好認真咁揸軚盤，對眼係無離開過....
不斷揸住，轉轉轉~~

呢個架車車到仔仔生日果時可以諗諗~~