探班 - 媽媽搵錢錢既地方

嘩~~
阿誠俊哥，你做咩咁失察, 被人影到你訓成咁樣架~~
真係失禮，一陣嚇走晒D粉絲就弊喇~~
你知你已經唔係多粉絲，到時無人睇你個BLOG就陰公喇~~~

誠俊去邊度玩完咁攰呢???
話說上星期某日，誠俊唔洗返學，下朝去左媽媽公司探班。

放心，媽媽上班既不是政府部門，沒有機密資料，
黎公司探班無問題, 唔會紀律處分~~

一黎到就捐枱底，搵野玩~~

 

跟住好唔客氣咁四周圍爬~~

 

俾佢搵到D新野玩~~

一大箱LABEL，重要係唔同顏色~~
 

佢好似發現寶箱咁，摷晒出黎FING~~~
我D同事叫佢都唔啋，完全進入"亡我境界"~~~

努力摷呀~摷呀~~

 
唔知佢點樣玩，摷到D貼紙開始黏上手~~

第一次接觸貼紙呢樣有玩意~
好好奇咁研究~~

點解咁既??

越黏越多貼紙係手，但又唔知點解會黏住~~
哈哈~

既然黏住，就不如試下食唔食得先~

嘩~好大個口呀~~

 

小朋友~呢樣野擺明就唔食得架噃。。。。

搞咩你好似食得咁好滋味咁呀~~
拍飲食節目咩????
貼紙好有貼紙味?定係橙色貼紙有橙味??