Sydney 之旅 --- 準備篇 (行程 + 行裝)

重有唔係好耐，我地就出發去SYDNEY,
雖然媽媽我呢幾日都病病地，但都要開始準備，
諗定要帶D咩，要去邊度玩~~

以前去旅行拾行李好容易，最緊要帶錢，
有咩唔記得, 去到再買就得，
但而家同仔仔去旅行，真係要準備定張CHECK LIST，
BB仔既野如果帶少樣，到時有$$都未必有得買~

今次去SYDNEY其實方便好多，因為去過知道情況係點,
可以帶少好多野，但必須要帶既野都唔少~~~

開餐用品:

因為要焗飯仔，所以要帶個大既 thermos 既保溫壺，
呢個thermos最方便係只要落米加滾水，
就會好似真空煲咁，幾個鐘之後有飯仔食~
我平時返工出門口前焗定，放工之後倒出黎，
再加D蔬菜肉肉煮返熱，
10分鐘到誠俊就有飯食~
呢個保溫壺真係超級方便，
我成日都諗, 要走難既話我一定都會帶埋佢~~

另外暖水杯，食物盒，匙仔，奶瓶，水杯，奶咀，零食，奶粉一罐
因為酒店房有微波爐，所以奶瓶奶咀消毒唔成問題~~

衫仔衣物:

去5 日帶5套衫 (底+面+襪仔) 另加1套SPARE
外套2件(因SYDNEY都係冬天), 手帕4條，被仔一張，睡袋一個
口水堅就要帶多D，因為每日都用6-7條，所以帶12條去,
每晚返酒店再手洗。


其他雜項:

BB車 + 雨套，尿片一包，玩具，lotion
淨係誠俊呢堆野都成個喼...
帶小朋友出門真係唔簡單~~

行程方面，
今次想去行下market, 再坐下船遊下SYDNEY，
最想係去blue mountain，
6年前去過，真係好喜歡，環境好靚，
上年阿妹去話多左CABLE CAR可以坐,
所以堅想再去多次~~~~
不過到時要睇下天氣如何先可以決定去邊，
因為有老有幼，都唔係咁方便~~