咁啱係sydney既公眾假期(queens birthday),
所以舅公一家可以同我地一齊出玩~~
表叔仔前一晚知道今日可以再見到誠俊都不知幾開心~~
我地去玩之前就係eastwood一間港式茶餐廳食個lunch,
sydney真係一個小香港，香港有既呢度都有~
而且茶餐廳質素又平又好食~~
唔好話同perth比，同香港比，sydney都羸~~
一坐低，表叔仔即刻俾個玩具誠俊玩~~
(可以見到茶餐廳係完全同香港一樣~~~)
表叔仔同表姑姐食完就圍住仔仔一齊玩~~
睇到佢地咁樣，果一刻，我諗返起我地細個果陣，
同d表哥表妹飲茶既時候，成日都坐唔定，走黎走去，
玩下呢樣玩下果樣，D阿媽成日鬧我地，叫我地唔好玩，嘈住晒~
而家咁快身份就改變，我做左人地阿媽，睇住我個仔玩~~
食飽我地就出發去今日既目的地 -- The Entrance 睇塘鵝(pelican)
我地人多, 分2架車去，
表叔仔鐘意仔仔，連坐車都要係埋一齊~~
表叔仔有朱古力餅食，誠俊就望到實一實，
表叔仔就用佢abc既口音同仔仔講"你唔食得~"
玩左一陣，2個都訓晒覺~~好可愛~~
大約45分鐘到就到喇~~
呢個公園每日下午3:30都會有餵塘鵝表演~
除左塘鵝, 重有一個小型遊樂場~
不過我地無去玩，因為有d落雨，睇完塘鵝就走~~
非常可愛既表叔仔~~
今日既主角 -- 塘鵝
誠俊見到 d 大 bird bird都好興奮~~
我地企既地方就係一陣表演既場地，
好多人一早就霸定位~~
有d塘鵝已經急不及待，上左岸等食~~
每次見親塘鵝，都會諗起杜汶澤係 海底奇兵 (FINDING NEMO) 既配音~~
講開又講，其實爸爸同誠俊都係Finding nemo既super fans~~
因為爸爸既職業都同海底有關~~
爸爸為左仔仔可以睇得清楚D，
實行黎個騎膊馬~~~
不過仔仔唔識騎，係咁捉住爸爸D頭髮~~哈哈哈哈~
餵雀開始，不過完來唔係隻隻都有得食~
工作人員認得D雀，每日都輪住俾唔同既雀食~~
因為始終都係野生既，唔想養懶佢地~~
睇完就即走，因為開始落大雨~~
出返CITY，去左Chatswood食日本野~
不過重點去左間餐廳樓下既....Daiso ~~
其實係香港既12蚊店，不過澳洲簡稱$2.8shop~~
都話sydney = hongkong 架喇~~
我呢個C9，即刻飯都唔食(住)，
衝入去係咁買~~~好似唔洗$$$一樣~~
哈哈~~
呢個簡直係全日既**亮點**
No comments:
Post a Comment