所以一早就plan左今日去fish market食海鮮大餐，
不過天氣就麻麻，落雨~~
阿誠俊哥見識少，第一次親身體驗落雨擔遮~
佢係咁同爸爸搶個遮柄~~
呢個係算咩眼神~~~
到此一遊必影既sydney fish market~~~
因為落雨所以唔可以坐係出面有太陽傘果d枱~
咁入到室內，第1,2 檔太多中國旅行團，無位又太嘈，
有間叫"彼得"既網上評價太差，唔會試~
所以就去左呢間，有位坐，同時睇落d海鮮都幾靚~~
坐好之後去揀野食，有好似西瓜咁大既king crab~~
不過聽閒得個{大}字，唔太好食~~
有我地西澳最名既大龍蝦~~
係perth返而唔會有咁大隻你食，
因為最大最靚既都出晒口~~
西澳出口既龍蝦80%以上係去晒香港架~~
既然"他鄉遇故知" (哈哈~) 就食你喇~~
我地揀左隻2kg既，好重手，好大隻~
返黎之後計返，原來有成4斤重~~~
嘩
~~~~~
話明慶祝嫲嫲生日，
所以除左大龍蝦之外，
其他野食都由嫲嫲發板~
有生蠔，cocktial prawn salad, 刺身 & 白酒~
即買即煮既龍蝦大約等左20mins~
我地揀蒜蓉牛油炒，好香好夾~~
啖啖肉~~ 睇相諗返起都流口水呀~~
嫲嫲同e婆都好滿意~~
呢個仔仔都食左丁丁咁多，
太細我唔敢俾海鮮佢食住，
怕佢敏感~
食飽週圍行下，
5點左右就係酒店坐Shuttle bus去機場~
$14一個人，25分鐘到，又平又方便，
唔洗上落火車咁論盡~~
去到機埸check行李果陣，
我果手袋過唔到，原來誠俊把食物較剪係入面~~
我心諗大鑊喇，我專登係hk買呢把野返黎，
貪佢有個套套住，方便又細把，重要最近先開始用~
今次實俾人沒收喇
~~~點知佢check 左之後，話因為把較剪係圓頭，
而我又講明係for baby food，
所以佢就俾我把珍貴既較剪跟我返屋企~~~
真係唔該晒呀~~~
總算有驚無險~~
等上飛機，有個婆婆同誠俊玩~~
係咁將我係$2.8shop買返黎既隔熱紙係咁碌~~
玩到個婆婆都開始無氣無力，
但阿仔仍然嘻嘻笑係咁碌返俾佢~~
我估個婆婆之後都唔敢再"lau"D小朋友玩，
佢點諗到而家d小朋友咁爛玩~~~
上到飛機又係咁玩個電視~~
最後呢個小朋友係飛機玩足4個半鐘，
識晒所有空姐空少，用免費機票但又食埋人地既飛機大人餐~~
不過講真帶小朋友上機，佢雖然唔喊唔嘈，
但週圍搞野都煩死你~~~
No comments:
Post a Comment