IKEA可惡的3cm + 誠俊第一次去大型波波池

我地一家呢幾日仍然病病地，

大家都有D咳，有D傷風，

每日返屋企食飯之後都咩心機，

除左仔仔覺得悶之外，我自己都好悶咁…..

 

尋晚星期四shopping night, d鋪頭會收9 PM，

加上經過瘋狂買衫之旅之後，心情仍然hype~~

所以就決定出去行下，

接咗仔仔放學之後，我哋去咗宜家傢俬

因為我係網上見到佢有大減價

咁就就約埋係附近又收工既爸爸一齊去

 

我本來網上見到IKEA有KING SIZE床架特價，

咁啱我地又需要買個新，咁去到睇到個款都唔錯，

點知當我同個STAFF落單既時候，

佢同我講佢地呢個係歐洲KING SIZE, 同澳洲KING SIZE唔同，

歐洲只有180CM, 但澳洲係有183CM….

所以….我地屋企張床係放唔到IKEA既床架~~~~~

就係呢3cm搞到我買唔成張床架!!!!!!!激死我~~~~

平時係出邊既傢俬鋪見到d床架要成AU$900++ 

宜家特價只是AU$269…..
(唔怪得咁平，因為一定要幫襯佢買埋張床)

點知......見平野冇得買真係慘

唯有同誠俊係兒童家俬個度睇下，玩一陣先走~~

 

 

跟住爸爸見我咁失望，就話帶我哋去食好野~~

去到個商場，入面有一個好大既免費兒童樂園，有波波池同sir滑梯~~

我哋七點鐘去到只有一個小朋友玩緊~~

所以我哋就好放心同誠俊一齊入去玩波~

唔怕人地撞到佢，又可以慢慢玩~

佢第一次見到咁多波波好開心，

 

有一秒呆左，好似諗緊點解會咁多波波架~~~

 

好快就好投入咁同爸爸一齊玩~~

週圍爬~玩得超開心~

同爸爸講開，先知原來爸爸細個都無玩過波波池~~

今次同仔仔一樣都係第一次~~哈哈~~