媽媽學種菇

誠俊媽上個月開始迷上左種菇呢樣新玩意，
個"菇塔"係係Market買既，
因為呢邊買菇食一d都唔平，d 秀珍菇au$3先得個少少，
所以見到Market可以買黎自己種，即買黎試下~

呢幾張相係上個月第一個菇種塔出既，
好大隻，好靚仔~~

 

我個電話比下，就知佢地真是幾大隻~~



呢個只係前面，後面重有一大堆~~

一個"菇塔"可以種大約4-5個禮拜，
賣果個話有2 - 3造，中間會有幾日休息期，
但我覺得佢係不停生，
不停都有標新芽，
生到多到食唔晒咁濟~~

今次見到再買多個，
等嫲嫲都可以睇下我地無聊既種菇玩意~~

"菇塔"買返黎係一大盒既，
我地要準備既係一個大膠箱同埋濕報紙~

打開個盒，見到個"菇塔"被個膠袋包住~~

 

將個"菇塔"放係濕報紙上面，再沿住的黑線剪開d膠袋~~

 

切開d膠袋，搞到佢"fing fing"下先係好~~~

呢d就係菇菌~~
只要每日噴水，放係通風又有少少陽光既地方都ok~

希望d個"菇塔"會好似上一個咁生多d菇菇~
因為呢排天氣開始凍，我想要新鮮菇菇打邊爐~~~