星期五爸爸食完個M 記做下午茶之後就開始又痾又嘔，
到左8點幾頂唔順嗱嗱聲車佢去急証室~
吊左2大包鹽水，打左3枝針，無咩事之後就出院，
點知返到屋企半夜輪到我，一樣
又痾又嘔，
同時誠俊又發燒, 39c，真係所有野一次過黎晒~~~
到左星期六朝早，爸爸都無咩事，係攰d，
我好彩訓醒之後無再痾嘔，但就發燒，
誠俊就麻麻地，keep 住燒，要keep住食藥~~
但到左下午，誠俊開始又有d痾，所以襯重有醫生睇，
又渣渣林同佢去睇醫生~~
好彩唔多人，唔洗等好耐，
不過so far都算精神，重曉玩同扭計~~
醫生同仔仔驗小便，check完之後, 話佢無咩，只係virus，
輕微肚痾無藥食，注意飲多d水就可以~~
係澳洲睇醫生真係得個"睇"字，
10次有10次都係叫你食panadol，
去到嚴重，發炎，先有抗生素俾你~~
咁醫生check左無咩事，
無藥食，咁唯有用d中國人既古法，
簡單舒緩下仔仔既肚痾喇~~
第一, 就係飲炒米茶~
因為奶奶話炒米茶"兜"痾，
雖然唔明"兜"痾係咩意思，
又唔係止痾，但就兜住~~~
anyway，我細個阿媽都話肚痾飲粥水好,
只係奶奶話炒米比粥水，因為炒米唔涼~
所以奶奶就用白鑊炒黃左d米之後再煲水俾仔仔飲~~
阿誠俊又好乖，肯飲炒米茶，
因為炒米茶其實都ok好飲，好似玄米茶咁~~
第二樣古法就係"碌雞蛋"~
呢個方法我真係由細碌到大，
係我最錫既嫲嫲傳授俾我地既，
原理係用溫熱既熟蛋白，
去舒緩身體唔舒服既地方~
中醫話人唔舒服既時候有時係"風火"所至，
例如頭風，肚風~~
我唔係醫生又唔識醫術，
唔知咩係風同火,
但我阿嫲話碌雞蛋可以碌走d風同火，
個人就會快d好返同舒服d，
所以我地家族既人一發燒，
就用雞蛋碌額頭&耳背，
肚痛就碌肚皮~~
方法好簡單，首先烚熟隻雞蛋，
要全熟，襯熱剝殼，
放係薄紗巾上面~
切開一半，蛋黃唔要(要襯熱，凍左無用~~)
有銀介子可以放入去，無既都無問題，
(我用好平既銀介子，唔洗用T字果D貴野)
因為碌完銀介子會變色，顯示碌左去黎既係"風"定"火"~~
用紗巾包埋隻蛋白，襯熱碌~~
注意: 雖然要襯熱碌，但要小心，碌小朋友的話要更加要小心太熱~
溫熱就ok，同埋細細力碌就得~
碌完銀介子會變色，
如果係金金地色係火，
如果係藍藍紫紫就係風，
當然有時2樣色都會同時出現~
誠俊今次2樣都有，"風火海"一樣
~~~~
而隻銀介子洗返乾淨，變返銀色，之後可以再用~~
碌完可以用暖水抹下碌完既地區，因為會有少少黏住~~
呢個方法唔係食落肚既，而且材料簡單，
Touchwood大家有需要既時候可以試下~~
我又要去抖下同繼續睇住重未退燒既誠俊哥~
No comments:
Post a Comment