冬天先黎學游水!!???

依家香港係夏天熱到死~~~

去學游水就係好岩時候~~

不過我地澳洲呢邊 就係冬天，但點解都重去學游水??

其實一直都想比誠俊去學游水, 但一直都冇時間去搵資料,

直至上幾個禮 拜信箱收到社區中心嘅郵件, 發覺有新學期開班,

為左唔想再miss，而且係室內暖水池, 所以就嗱嗱聲去報名~
係澳洲呢邊, 其實六個月大嘅小朋友就已經可以學游水,

講真都唔係話學游水, 只係俾佢地習慣下係水入面活動,

到再大少少真正學游水嘅時 候就唔會咁怕水~~
因為澳洲太多陽光海灘, 好多人屋企有游泳池, 所以學游水對小朋 友嚟講好重要!!!

今日係第一堂,

所以一早換好衫, 食埋早餐就去泳池準備~~

呢個小朋友未瞓醒就俾媽咪換咗泳衣, 重食緊咀咀~~
星期六上晝非常多人學游水好多爸爸媽媽都坐埋一邊等好鬼熱鬧
去到未夠鐘牙仔睇住人地係側邊玩已經好開心好興奮

點好名之後爸爸落水~~
一落水佢就好ENJOY~~~

阿仔一歲學已經叫做Baby 2，其他小朋友都有上之前果個Baby 1,

我地就 遲咗人地一班, 所以我地呢個插班生, 一開始就唔係好 適應, 有啲炆憎~~

老師叫佢地游去浮板攞d玩具，再游返去池邊放低，再重復！

但仔仔有d緊張, 唔係好投入，試幾次之後先開始主動d！

點解我可以影得咁清楚??

因為咁啱泳池上面有條橋，所以角度非常好~~

半個鐘既堂好快就完，一上水爸爸就同我講仔仔好肚餓，

係水度講左幾次mum mum，所以換好衫，上車就即刻俾餅餅佢食，

點知返到屋企佢好攰咁訓左2個半鐘，

平時訓多數都係訓得1個鐘，估唔到玩半個鐘水， 可以令佢咁攰！

下星期繼續努力！

誠俊哥戰勝吸塵機~~~~

如果大家記得既話，會知道誠俊係好驚吸塵機既~~
佢好怕吸塵機果D聲，
如果佢玩玩下突然聽到吸塵機著既話，
佢即刻會成身震晒跟住大喊~~~

就算抱住俾佢睇住話佢知吸塵機，唔係其他怪物，
再將吸塵機轉去安靜MODE，都唔得，
佢會喊到眼淚鼻涕出晒黎~~~好陰公~~
所以每次爸爸打掃吸塵，我都要同佢哩埋入房~~~

但上星期某日，爸爸又吸塵，
我當時整緊其他野，無時間抱誠俊入房回避，
咁爸爸見仔仔心情幾好，
所以就諗住順便鍊下仔仔個膽，
始終唔可以一直都咁怕~~
如果佢真係又喊既，就遲D先吸啦~~

點知.......

今次誠俊唔知點解一D都唔驚，
重一路跟住爸爸一路行，




佢好認真咁望住個出風位~~

跟跟下，重拍手係度笑~~
呢輪佢一開心或者唱歌仔就會拍手手~~~


唔通佢覺得吸塵機唱緊歌????

定係佢知道自己好叻叻，唔再驚，
所以拍手鼓勵下自己???

其實果一刻我地兩個見到真係呆晒~~~
即刻放低手上既野，
影相俾4大長老睇，
大家都好驚訝~~

都唔知幾時開始佢忽然唔再怕，
如果今次唔係放膽再試我地都唔知~~

就因為呢件事，
我同爸爸都覺得係引證左一樣野，
就係今日唔得, 唔鐘意, 唔想食，
唔等如以後都一樣~~

對小朋友身心發展係好既事，
真係不妨隔一段時間再試多次，
最緊要父母多D鼓勵,
因為唔同階段小朋友都會有唔同既改變，
唔好覺得今日唔食唔鐘意，
之後認定之後都係咁，
咁樣可能會抹殺左小朋友好多改變既機會~~

德國鹹豬手變韓式豬手 ＋ 椰汁大菜糕

係咪好靚呢隻豬手~~

上星期係病之前嗰一日就已經準備整德國鹹豬手
因為已經解凍，

所以最後都係直接整埋佢，唔理得肚痛咁多～～

材料好簡單， 

急凍豬手一隻，融雪

雞湯一公升

鹽1湯匙

紅蘿蔔2-3小條切小塊

蕃茄2-3個切小塊

月桂葉幾塊

黑胡椒一個湯匙

啤酒一支（ALE 比較好）

醬汁

蜜糖兩湯匙

啤酒七湯匙

生粉兩茶匙

豬手洗乾淨去晒D毛再用鹽搽勻備用

將所有材料放晒落煲，
水滾後放埋豬手，
再滾起後轉細火炆45-50分鐘。
熄火再焗15分鐘。

之後留起豬手，用叉係豬皮上面插洞，再放返入湯，放入雪櫃過夜。

今次我放咗喺雪櫃2晚先拎番出黎焗，

焗之前先煮返熱隻豬手。

焗爐200度，焗大約10-20分鐘，令到外皮脆就ok!

 

終於可以用下我個LC 掃掃～～

焗既中途可以同隻豬手搽醬汁，主要搽肉既部分，
可以增加味道，又唔會令肉既部分焗得太乾，
皮可以唔搽，因為搽左唔脆。

咁大個焗爐，得一隻豬手係入面，感覺好LONELY～～～

我明顯病到傻左，竟然將d醬汁搽晒整隻豬手，所以最後無左脆皮嘅效果！

以為咁樣就失敗左，點知食第一啖，發覺質感同味道同韓國豬手好似，
因為我個湯唔記得落鹽，唔夠咸！
好明顯真係不在狀態！

 

錯有錯著，最後呢個變左韓國豬手！
同樣可以配酸洋蔥同芥辣，一樣咁好味！

食完重有雙層大菜糕用甜品， 係椰汁加旦花～～
第一次整， 好成功！！！

不過我得個整字同個睇字無得食～～
益爸爸晒～～

我研究左好多食譜，
每個既比例同好唔同，
最後我自己整既成功比例係
旦花：
大約10g 大菜
1．2L 水
一個旦
冰糖適量
椰汁：
大約10g 大菜
750ML 水 250ML椰汁
125ML花奶冰糖適量
(椰汁＋花奶要最後熄火先落~)