中獎呀~~好運一定要繼續黎~~~

話說幾個星期前, 爸爸去藥房買奶粉,
咁啱見到有抽獎,
只要買2罐奶粉就可以填表參加,
頭獎係 ipad mini, 二獎係一架兒童車仔~~

爸爸一心想要架車俾誠俊~~
但唔知點解拖到dealine之前果日先記得,
所以拿拿林填好表格,
再專情開車返去藥房放入抽獎箱~~~

到左星期一果日, 爸爸一早就收到個電話,
通知佢中左獎, 重要係佢最希望要既二獎~~
心急既爸爸即日就去領獎~~~

呢架車仔就係我地今次既中獎禮物喇~~~~

呢架車仔我同爸爸都記得細個果陣係幼稚園玩過,
係我地一個童年回憶, 一直我地既印象佢係好高級, 有錢人既玩具,
因為咁大件, 要有好大間屋先玩得~~~~

估唔到, 幾十年之後,
我地既仔仔都可以咁好彩, 可以擁有一架~~~~

返到屋企, 爸爸係度砌既時候, 誠俊又去搞埋一份~~

不過佢係搞搞緊~~~

其實誠俊之前係朋友屋企玩過一次,
但估唔到佢記得呢架未成形既玩具係可以坐既車車,
不停咁要坐入去~~~

砌好之後, 發現呢架車真係只可以係花園玩,
因為殺傷力好大, 我d傢私好危險~~~

後話:
咁多年後既今日, 我地最後發現呢架當年好高級既玩具,
原來都要成au$100~~
仍舊都重係好高級~~