栢斯的士多啤梨季----誠俊哥大口嘗!! (有片睇!)

好鐘意誠俊呢個食相,
同d士多啤梨一樣咁SWEET~~

冬天係Perth既士多啤梨季,
大部份既士多啤梨都好平,
AU$2一小盒, 大盒都係AU4-5,
真係又平又正!!
我好鐘意食, 所以都經常買,
不過有時一盒買返黎,
都會有D甜, 有D唔甜~~

上年爸爸識左個係士多啤梨農場做既朋友,
佢既農場係出高級既士多啤梨,
粒粒都好大粒, 重保證粒粒都甜~~

上年第一次食過之後, 真係念念不忘~~
因為食每粒之前都唔洗諗"唔知呢粒甜唔甜?"
心情輕鬆好多~~~~

最近又到收成季節,
上星期六晚, 我地就收到呢箱"產地直送"既極品~~~



個盒都寫明guaranteed sweet~~

星期日一起身即刻拎黎配早餐~~~
一盒500g, 只有9粒, 粒粒都好重手~~

粒粒都好大, 攞枝ikea既鉛筆一比,
你就知佢真係好有份量~~

我地專登早餐俾誠俊食,
因為怕果糖高, 佢食完會好high,
如果夜晚食怕佢訓唔著~~

誠俊非常之咁鐘意食,

食完2粒, 攤開2隻手,
同我地表示: 無晒, 食晒啦~~ 

見到爸爸手上又有,
即刻問爸爸再攞~~

佢最後足足食左5大粒呀~~~
大家睇下佢, 食到"chu chu"聲~~

不過食完又唔覺仔仔特別High~~
重中午重訓得好好添~~
可能食飽最好訓~