果然係花果山出黎既~~

今日一早如常打仗一樣咁出門口，衝呀

~~~起身換衫~~再同阿仔起身換衫~~餵仔食早餐再去便便再換片~~出門口~~~~
咪住...............
爸爸話出門口先，但點解重係車房??
原來架車撻唔著!!!! 點算????

唯有爸爸揸我架車，先送我地返工返學，佢自己再返工，唉.........遲到都無計……

不過其實爸爸都好耐無接送誠俊返放學lu.....因為仔仔間CHILD CARE係我公司隔離，所以平日都係我順路接送~

今日有爸爸係度，佢好似特別開心，淨係望住D水都咁興奮~

放工返學之後, 去超市買野，路過一個”呃錢遊戲”，誠俊見到竟然”EE呀呀”咁叫，好想玩咁樣~

都唔知佢點知呢個野係俾佢玩，之前無俾佢玩過~~

咁我叫得呢D做”呃錢遊戲”，當然唔會俾佢呃喇，所以唯有”呃”我個仔俾佢就咁坐2下~ 哈哈~~
你睇下佢既眼神，興奮到呢~
 

咁佢都幾乖，坐左30秒，之後抱佢走都無話唔肯走，算係咁~

因為第2日公眾假期，食飯之後就去左朋友屋企坐，等D小朋友玩下~

誠俊去到人地屋企就好興奮咁玩玩具，同我朋友果女完全無交流……

一個推BB車，一個耍棍，各有各玩~~

成隻馬騮仔咁，係咁耍~~~人地踩住斛斗雲, 佢就玩住個垃圾桶~~

最後企唔穩~~~ 坐低左~