沙灘小子 BEACH BOY 2013

澳洲最靚係陽光海灘~ 所以幾星期前，我地就帶左誠俊去附近沙灘，做下水禮 ~~~~~

第1次帶BB去沙灘，當然唔可以去太大浪太多人果D，所以爸爸車我地去一個新沙灘 --- PORT COOGEE.

呢個地方新開發，有遊艇會，有豪宅…. 最重要係有個內海沙灘，淺水又安全，D水好平靜，好啱D細細個既BB去玩~

我地3點幾去左，唔算多人，但當中有好多好似誠俊咁上下大既小朋友係度玩，又有幾GROUP 人係草地野餐~

好舒服既一個地方~~ (因為人太少，唔係方便影相~~)

去到放好野之後，就同仔仔換衫，著返件"沙灘戰衣"~~~

呢件戰衣又係好耐之前係網上買落既，好似是而$AU10左右，呢套衫最好係有UV50防晒，可以保護皮膚唔會晒親，因為澳洲既陽光真係勁到你唔信，間直係"立即變黑"，勁過美源髮彩~~~~ 哈~~

換好衫，首先佢自己就玩下沙~

第一次接觸沙呢樣野，以為佢會食啦，事關佢咩都塞入口，但點知佢完全無意圖去放入口，只係好好奇，好溫柔咁摸下玩下，重俾媽媽影到佢偷笑~~





套衫同個天空好襯色~~




明顯沙灘上真係無咩人，其他既人同我地離好遠~

同佢熱身完一輪，爸爸就慢慢帶佢去水水果邊，諗住同佢坐係最淺水既地方試下玩陣，因為話晒第一次，唔想嚇親佢，但點知…….

阿誠俊哥坐落D水唔夠2秒，就已經開始係水度四圍爬~~ 一D緊張都無……

坐落去，摸下D水~~

跟住開始爬.....

係咁爬.....

再係咁爬.....

佢完全投入左佢自己既世界，我地叫佢好多次都唔啋呀~~~

阿誠俊哥其實一D都唔怕水，識我地既朋友都知原因，當然佢唔係天生就係咁喇，

呢個遲D再同大家分享，但估唔到連海水，沙灘呢D都好開心咁玩，

第時一定可以子承父業，同爸爸一齊拍住上~~~~哈哈~

再UPLOAD 2 段水中爬爬VIDEO 大家睇下~~~

 

 

 

 

 

 

 

 

 

多功能PLAYROOM -- 賽車篇

其實我地屋企唔算好大，比起呢邊既屋算細，但托賴都重有個小小

PLAYROOM俾阿誠俊哥玩下扒下~

其實呢個係一個多功能既房，PLAYROOM只係其中之一，佢重係我地既書房(有張書枱就係~~哈~)、電腦房、GUEST ROOM(有張床)同休憩區(有SOFA~ )

平時我地放工回家，除左煮飯食飯之外，大部分時間在會係呢度HEA…

而誠俊就玩下玩具，爬下，搞下野，呢期最愛玩婆婆口中”蝦蛟燒賣車”….

開車前, 好型咁同架車影張相~~有車手風範~~(果然係POSE皇!!)

起步前，好認真咁CHECK下架車~~ 好PRO咁WOR~


埋位上車喇~~企穩!!


倒數既時間都不忙同SKYPE入面既粉絲SAY 個HI~ 真你係SWEET，抵你有咁多粉絲S~~~


一開始好平穩，慢慢加速~~~~~


做咩突然減速，望住呢邊??????

原本佢發現有鏡頭，要CHOK返個LUM樣俾鏡頭前既粉絲~~~


就係因為唔專心，就即刻炒埋堆玩具度，個輥食住左，要出動爸爸去協助佢駛開~~


唔知媽媽我呢都記者報導PASS 唔PASS 呢~~ 嘻~~~

呀，重有講漏呢間房最重要既一個用途，就係折衫~

你睇下~ 誠俊細細個就好勁咁，識自己幫手……搞亂D衫~~

以下呢幾張相係特別為左誠俊其中一個粉絲而POST 既~

TO: 跳跳虎,.......佢好鍾意你送既”面包超人”沙(除)，經常ROCK友上身咁勁”CHOK”~~

差D變白雪公主~~哈哈~

星期日既中午開始，好多時都係媽媽我最忙既時間，因為開始準備未來一星期既餸

~

今日爸爸有事要出去一陣，所以又係媽媽既”廚房親子(鬧仔)”時間~~ 哈哈~

之前我係廚房整野既時候，我會放誠俊係HIGHCHAIR，但而家如果無野食或無得睇住人食野，多數佢都唔肯，一定狂叫~~~

所以有時如果我無開火煮野，只係洗洗切切，我會俾佢係學行車玩，行下走下~

當然，因為係開放式廚房，而我又係度，佢一定係我身邊搞搞震~~一係去開廚櫃，一係搞垃圾桶….. 明白BB呢個階段係好有好奇心，所以唔想咩事都NO!NO!NO!，但有時都有點難度………

今次我為左佢唔好又搞搞震，我隨手俾左個蘋果佢玩，我就開始做野….

無幾耐，發覺佢異常地靜，望下佢…..

原來食緊個蘋果，食得好開心~~

但因為我開頭係諗住俾佢玩，所以其實………………個蘋果….無洗過…………
差D誠俊就變......白雪公主......因為食左媽媽無洗既"毒"蘋果.....
洗完之後，我咬開少少個皮, 等佢咬到D肉，又唔會中毒…

我D餸搞到一半，準備同佢入PLAYROOM玩一陣既時候，個蘋果經已咬左好多，好鬼西利~~

佢食完個"毒"蘋果之後，好似充滿力量咁，即刻係我同婆婆SKYPE既時間，自己企係度，揸住個APPLE俾婆婆睇~~

佢呢輪都開始識唔洗扶住野自己企，但只係好短時間，今次企左好耐，我重夠時間影到幾張相~~

好可愛~~~~

到夜晚我地食飯既時候，佢當然又唔拾輸坐係度食埋一份~

因為今晚既餸幾油膩，無誠俊份食，爸爸就切D芝士過佢~~~

芝士是佢”飛忽”小食之一，幾開心~~

(呢張相可以睇到個廚房一部分既廚櫃...重有另一面，好多俾佢玩.....@@")

講真，我好感恩生左個開心快樂B~~

誠俊的私家遊樂場

星期六，開始入秋，爸爸少左教水，少左外快，但多左時間陪仔仔～
最開心係我，因唔洗一個人睇住佢咁辛苦，又可以有人幫手做下屋企野～ 哈哈～

今朝洗埋花園果個太陽簾， 我地個花園既有蓋空間終於返新成功～

仔仔個遊樂場可以玩喇～

呢SET野買左好耐，價錢平到不得了，係MYER原價＄240，勁減之後係＄80，我地買果日重有9折～～ 嘩～ 唔買之後實後悔～～

但果時誠俊太細個，得2個月大，未啱玩住，咁我地係香港返黎之後一直都好忙，直到上星期爸爸先切好，而今日終於有得玩喇～

3合1 ，有千秋，滑梯同波波池～

你睇佢玩得幾開心～

原本諗住佢會鍾意打千秋， 但原來佢鍾意既係波波池，重係無咩波波既波波池～ （太多波波會洗死人～～所以唔俾咁多佢～） 

可能公公之前係香港同佢玩“飛”同“超人飛”太多，個千秋。。。。。太小兒科～ 

下朝出左去行一陣超市同去附近ASIAN FOOD COUNT食野，去到FOOD COUNT誠俊明顯好肚餓，無晒精神，媽媽我就即刻一枝箭咁買2個 X燒包俾佢食～～

當然佢只可以食齊包，D X燒就我地食，但好快就清晒2個包～ 快到相都無影～

之後再餵佢食媽媽叫既魚湯米粉，佢食得好開心，每次佢覺得可以食我地食緊既野，佢特別興奮～～

夜晚整左好好味既口水雞同自家種既苦瓜煎旦～

口水雞個汁好易整，有時間再分享下～