誠俊學校---親子下午荼活動

尋日誠俊學校搞左個親子下午荼活動,

 

天氣非常之咁好, 大家都過左一個好愉快既下午~~

 

其實個活動係叫"Grandparents afternoon",

但因為四大長老都遠在香港,

所以我就請左比比婆婆, 帶埋比比姐姐一齊黎玩下食下~~~

 

 

比比婆婆見到誠俊, 真係"愛不惜手"~~~~

之前婆婆有幫手湊過仔仔幾日,

就係果幾日, 佢地一老一嫩就friend左!!!![哈哈] 

 

下午茶係學校花園既涼亭舉行,

一開始老師先安排小朋友好似平日食tea咁樣,

圍住一齊張枱一齊食, 當然平時唔係坐花園, 係係課室入面~~

 

個個小朋友擦晒防晒曬, 帶好帽仔,  (好可愛!!!)

一個個自己食, 有d唔識既就老師餵~~

呢個時候大家家長就好忙咁影相, 包括我~~[爆]

 

 

 

好彩一班都係得8個小朋友, 所以唔迫,

大家都唔洗爭位影相 [哈哈]~~~~

 

 

 

 

 

 

全班最活躍最多笑容最多野講既就係誠俊,

連其他家長都係咁講~~~~

 

小朋友"示範"完之後, 就到大人食野,

而小朋友就落地週圍玩~~~

 

誠俊帶比比姐姐去課室玩,

 

 

 

比比姐姐第一次去學校, 樣樣都好好奇~~

玩得好開心~~

 

玩完一輪(其實只係5分鐘~~), 2個小朋友又再食過~

哈哈~

 

--------------------------

最近媽媽好少update blog, 因為工作有點忙~~

加上呢期生活每日都比較平淡, 所以lazy 左.....

但黎緊會多d update, 因為夏天終於到, 而且我地又去旅行喇~~~~