爸爸不在家的日子

 

上星期三爸爸去左巴里島潛水旅行連參加朋友婚禮,

得返我同誠俊2個係屋企,

平時爸爸教潛水都係得我地食自己,

所以我一直都唔擔心,

應該好易搞掂既~~~

 

頭果2日都係返工返學,

放學食飯,

一切睇落都好正常,

誠俊除左有D奇怪點解要同爸爸SKYPE之外,

佢都無咩特別~~

 

星期五晚我無煮飯,

我地好開心咁一齊食麥當當,

因為果日有全線半價,

所以誠俊正式食左佢人生第一次既麥當當~

 

 

 

雖然食呢D fast food 好唔健康,

但識得揀, 其實久唔久食下都無壞~~

好似今次無叫薯條, 改食沙律~~

 

阿仔食個魚柳包食得好開心,

但佢既食法就.....

我都無眼睇 >,<~~~

 

事情去到星期六就出現變化,

夜晚訓覺既時候,

誠俊不停咁發惡夢,

不停係咁喊,

重要叫極都叫唔醒佢,

佢好投入個夢, 係咁喊,

嗚嗚嗚.......

 

 

佢喊到我心都亂晒,

果陣差不多半夜1 點,

爸爸訓左, 無應機,

唯有同婆婆求救,

婆婆同ee whatsapp d 說話黎安慰下佢,

等佢聽到其他人既聲音,

分散下d注意力,

唔好再喊得咁淒涼~~~

 

到第二朝, 第一時間call 爸爸,

見到爸爸都重扁扁咀~~ 

 

 

之後幾日, 誠俊都重會半夜喊,

直到爸爸返黎果日,

可能佢知道爸爸返,

所以夠鐘都唔肯上訓,

一直玩玩玩到夠鐘去接機,

去到機場就頂唔順....

Z..z..z...zz..

 

呢一刻,

佢2仔爺等左9 日喇~~

 

 

下次爸爸要帶埋我地一齊去旅行呀,

等仔仔唔洗心掛掛嘛~~

 

 

 

誠俊的第一個「畫展」

到呢一刻,

其實我都唔知誠俊有無畫畫既天分,

皆因我同爸爸對藝術都無咩天分

[哈]

 

呢d 畫全部都係誠俊係學校"畫"既,

與其話係"畫",

我覺得係玩顏料多d~~

 

好, 去畫展要有d mood 先似,

都係唔講咁多,

靜靜咁欣賞下先~~

 

2-mar-2013

 

21-oct-2013

呢幅畫重好有大師作品feel,

有埋畫家相~~

 

11-nov-2013 印印畫

21-nov-2013

 

好有口福, 不停食食食既11月~~

呢個11月我地一家都好有口福,

媽媽我又煮左好多亙野, 食左好多正野~~

YUM~YUM~YUM~

 

大家睇完肚餓訓唔著,

千其唔好話我呀!!!

 

先有簡易板意式雜菜燴雞腿~

啖啖肉, 蕃茄底酸酸地, 好好送飯~~

 

 

跟CHRISTINE 食譜既豉油雞~

http://www.christinesrecipes.com/

 

Christine 既食譜好簡單易做,

重要係佢同樣住係澳洲,

食材一定好易搵到~~

 

用Le Creuset既29 oval煮3斤雞,

size 啱啱好~~

 

 

夏天黎到, 爸爸去捉蟹蟹~~

新鮮既特別好味~~

我又煮左新既夏天菜 -- 涼拌西芹雞絲~

 

蒸野用30cm LC buffer一流~

蒸蟹原汁原味, good!!!

 

屋企有唔少海味, 想煮餐九大簋好耐,

襯返香港之前, 煮一大餐去好友家一齊分享~

炆冬菇花膠海參蠔士!!

 

好友重準備了鮑魚扒菠菜~~

好豪華喔~~~[感動]

 

 

前排國泰fanfare既$50機票, 目的地有perth,

我load左成日都買唔到俾婆婆~~ 

但就有朋友搶到, 超勁!!!

飛左黎perth探我地,

齊齊又去左食龍蝦牛排大餐~~

 

上星期去左朋友屋企bbq,

又食, 無錯!! 講明係 "不停食食食既11月" 哈哈!!

 

誠俊去到係咁玩個足球機~~

一碌碌係咁轉~~

哈哈~

 

第2 日又去屋企附近既餐廳飲茶食點心,

呢間餐廳開左好耐, 今次第一次去,

香港人開既, 估唔到又幾好味~~

 

誠俊之前一晚BBQ玩到好夜,

所以飲茶果陣都未訓醒~[哈哈]

 

 

除左蟹, 爸爸重有捉龍蝦返黎~~

捉龍蝦有難度,

所以唔係成日捉到~~

今次有2 隻, 真係好開心興奮!!!!!!!!!!!!!!

 

蝦頭同腳用黎煲湯~

 

 

細D個隻開邊煎, 用黎送素麵~~

 

大D個隻爸爸用黎炒E麵~~

好好鑊氣, 好好味道!!! 

       (佢好耐無出山下廚, 掌聲鼓勵!!!)

下個月就返香港喇~~

到時又會係另一個不停食食食既12月!

嘻嘻~

 

 

 



成長記錄 (16Mths 1wk)

誠俊對上一次磅豬仔大約11.5kg, 身高應該大約80cm.
(15 Nov更正: 11kg, 身高84cm) [掌聲]
佢而家識好多野,

識開門, 關門,
知道出門口要著鞋,
或者一同佢著鞋就講byebye (知道有街去~)
俾人鬧既時候, 識左傻笑扮傻...
會主動請人食野, 識分享~~
玩個廚房玩具玩得好叻, 好有sense,
絕對係有姿勢有實際~~
煮好之後佢會攞俾我地食, 或者拎俾我, 跟住坐係我腳上面一齊扮食~
佢唔知點解會知道點玩具食物係玩具, 會扮食~~[好可愛]

而家佢有10隻牙仔, 基本上無野係唔食得,
除左零食, 糖, 朱古力, 暫時都唔俾佢食住, 其他咩都俾佢食~~
自己食野就識左好耐, 但用叉匙就重努力緊, 唔係次次得,
要睇下食咩, 太流質既, 唔"痴"既, 碎濕濕既, 就唔可以放手俾佢自己食,
如果唔係, 個地下會食得多過佢~~~
而家去餐廳食飯, 好多時都搞到成地都係, 就黎俾人backlist我地架喇~

講野方面,
爸爸媽咪byebye, 講得好清楚~
無左= MO JOR, 肚餓會講"mum 呀"
會跟ABC歌仔唱ABCDE, 但暫時只係去左E.....[嘻嘻]
其他時間就講好多音, 但大家都係唔明...
今朝我問佢"愛唔愛"水水, 佢飲完就叫我飲埋一份, 講左幾次"愛喇"~

玩樂方面, 我同爸爸都發現呢個仔,
除左好鐘意貓貓之外, 重好喜歡毛公仔..
佢見到貓貓公仔或者睇貓貓書, 佢會主動去KISS佢地, 見到毛公仔都一樣,
但佢就係唔會KISS我同爸爸.....[嗚嗚]

 

 呢張相係誠俊係9 月尾學校影既, 好精靈, 好可愛!!!

步入初夏熱辣辣

今個Weekend好好天, 同時又好鬼熱(35c)

我見爸爸要去rockingram 教潛水,

我同誠俊上完游水堂, 諗到與其返屋企熱辣辣,

不如去沙灘搵爸爸, 曬曬太陽~~

 

媽媽無準備野食, 路過買左2盒sushi同爸爸簡單野餐lunch~

 

 

阿誠俊上車訓到落車 (45mins),

落車未等到爸爸上水就已經食晒盒牛油果卷~~

每次上完游水堂, 仔仔都會食好多野,

平時都食唔少, 游水之後就食更多~

 

食完, 都重未見爸爸,

四圍走下, 跑下~

估唔到天氣無我想像中咁熱,

可能有好多樹蔭, 又有海風吹,

舒舒服服hea, 真係好爽~~

 

今日個沙灘真係好靚~~

有好多人潛水, 游水&曬太陽~

 

D水色真係靚到無朋友~~

 

爸爸上水之後, 誠俊開頭唔係好認得爸爸,

因為平時唔會見到爸爸既潛水look,

之後當佢認得爸爸之後,

就一枝箭咁走去爸爸度~~

 

相認喇~~

[嘻嘻]

 

 

仔仔又見到爸爸最開心~~

 

爸爸上水抖完, 食完野,

又要再繼續教水,

我地就返屋企覺覺豬......