熱辣辣的農曆新年

 

今年係誠俊第一次係澳洲過農曆新年,

氣氛雖然無香港咁熱鬧,

但我地仍然都有好多節目,

好好咁慶祝一番~~

 

年廿九,

爸爸去左潛水,

睇下有無機會捉D龍蝦, 為團年飯加餸~

本來我都無咩期望, 因為太多因素,

天氣, 地點, 時間, 水流, 技巧,....

所以唔係成日都捉到~

點知可能D龍蝦知道我地團年, 所以約埋一齊黎~ 

YEAH~~~

 

 

 

呢2 隻加埋有大約1.3KG,

size 唔錯~~

最後我就整左上湯芝士龍蝦伊面~~

第一次整, 味道唔錯, 但d 龍蝦煮熟左少少~

我同爸爸講, 有機會捉多幾隻,

等我有機會練習多d煮龍蝦~~

哈哈哈~~

 

年三十晚,

好友一早打電話黎約我地放工去佢屋企,

因為佢有個北京朋友會係佢度包餃子,

可以一齊學下, 食下, 玩下~~

 

誠俊媽我極少包餃子/雲吞,

因為總係覺得好多功夫,

買現成方便好多~

但自從有左誠俊之後,

我就比之前著重食物安全,

而家買包面包都睇一大輪成份先買,

所以今次有高手教整餃子,

真係非常之好~~

 

今次包餃子, 餃子皮同餃子餡都係自家制,

真係好家鄉feel~~

 

我地d女人一路包, 一路傾下計,

小朋友就大有大玩, 細有細玩,

男人就飲下野, 睇住D小朋友,

呢個情況真係非常之咁新年, 簡單又和諧~

 

最後有少少粉團多左,

北京朋友重教我整面條,

一晚學到咁多新技巧,

真係好開心,

返屋企可以試新野~~

 

有煎餃, 又有水餃,

餃子個樣好似元寶,

所以新年食餃子, 係好好意頭~~

 

熱鬧完一晚之後,

返屋企就即刻準備全盒,

封下利是~~

 

今次專情係香港攞盆大桔返黎,

屋企即刻多左好多氣氛~~

誠俊玩完一晚, 好快就訓著~

係香港返黎之後, 佢肥左又靚左~~

呵呵~~

 

年初一,

爸爸一早起身煎糕做早餐,

步步糕升!!

 

同誠俊著新衫,

影幾張賀年相之後就返工返學lu~~

 

年初一撞正星期五,

所以可以借d依放早D, heehee~~

同爸爸一齊去食左大魚大肉既魚頭米粉~

 

 

好味得黎又有魚有米,

今年實發喇!!

 接左誠俊放學之後就去city行下,

係澳洲其實都好重視農曆新年,

因為華人都佔好大部分既人口,

好似我地去到city,

就睇到有舞獅表現,

 

其實我地到果陣經已係六點幾, 但太陽都未落山~

 

 

 

大家見到嘛? 舞獅團佢地係鬼佬黎架~~

但全部都做得似模似樣~~

 

 

 

 

年初二, 

 天氣好, 最好當然去戶外跑跑跳跳曬曬太陽喇~~

爸爸捉龍蝦上左引, 又所佢去潛水,

我地就係岸上面吹泡泡等~

 

 個個小朋友都好喜歡呢D大大小小既泡泡~~
誠俊都好鐘意~~
以前細個D既時候就會追D泡泡,
跑黎跑去~~
而家大個左D, 就會主動自己吹泡~

佢開始學既時候,
會用個咀貼左枝棒棒吹,
試左幾次, 食左D泡泡之後,
佢慢慢開始識要離開個咀先吹~
但都係吹10次先有一次吹到1個泡,
但佢好叻, 一發現無泡泡,
就會塞返入枝水到, 插幾下,
又抽返出黎再試過~
絕對係有板有眼~~

佢呢個年紀學野真係好快手~~

 

 

一個鐘後, 爸爸帶埋一隻龍蝦一齊返黎~~

我地就想俾誠俊睇下隻龍蝦,

教下佢認識龍蝦,

但佢一D興趣都無.....

反而佢望住爸爸對蛙鞋, 好有興趣

 

佢重一馬當先幫手拎對蛙鞋返上車,

對鞋其實都幾重,

但誠俊都好MAN咁一次過2隻一攞晒,

重無拖地~~勁~

 

我諗呢隻仔真係遺傳左爸爸既興趣,

天生係要同大海玩遊戲!!

 

 

 

誠俊回歸BLOG 喇

暫停左打BLOG成2 個月, 希望大家無忘記誠俊哥喇~~

之前聖誕節返左香港6個星期, 日日都好多節目, 好多活動, 好熱鬧~~~
如果大家有add facebook page 都會見到, 我地兩母子日日都出街, 不停食食食~~呵呵~

但自從一月尾回來之後, 一切又回復平淡,
包括呢個blog, 又開始活躍喇~~~

而家1歲7個月既誠俊已經學識左好多野,
最近既一樣就係--刷牙仔。
其實幾個月前已開始教誠俊刷牙既呢個意識,
但一直佢都好抗拒支牙刷放入口,
最多只係刷下門牙咁大把, 點都唔肯放入口刷大牙...

到星期一果日,
爸爸試下俾佢企高對住塊鏡, 好似我地大人咁刷牙,
可能因為企高, 又係塊鏡見到自己,
佢好興奮, 就係咁, 佢終於張開口, 慢慢學刷牙喇~~

 

 

其實, 阿仔, 刷牙姐,

唔需要咁CHOK既.....

哈哈~~

 

 

爸爸不在家的日子

 

上星期三爸爸去左巴里島潛水旅行連參加朋友婚禮,

得返我同誠俊2個係屋企,

平時爸爸教潛水都係得我地食自己,

所以我一直都唔擔心,

應該好易搞掂既~~~

 

頭果2日都係返工返學,

放學食飯,

一切睇落都好正常,

誠俊除左有D奇怪點解要同爸爸SKYPE之外,

佢都無咩特別~~

 

星期五晚我無煮飯,

我地好開心咁一齊食麥當當,

因為果日有全線半價,

所以誠俊正式食左佢人生第一次既麥當當~

 

 

 

雖然食呢D fast food 好唔健康,

但識得揀, 其實久唔久食下都無壞~~

好似今次無叫薯條, 改食沙律~~

 

阿仔食個魚柳包食得好開心,

但佢既食法就.....

我都無眼睇 >,<~~~

 

事情去到星期六就出現變化,

夜晚訓覺既時候,

誠俊不停咁發惡夢,

不停係咁喊,

重要叫極都叫唔醒佢,

佢好投入個夢, 係咁喊,

嗚嗚嗚.......

 

 

佢喊到我心都亂晒,

果陣差不多半夜1 點,

爸爸訓左, 無應機,

唯有同婆婆求救,

婆婆同ee whatsapp d 說話黎安慰下佢,

等佢聽到其他人既聲音,

分散下d注意力,

唔好再喊得咁淒涼~~~

 

到第二朝, 第一時間call 爸爸,

見到爸爸都重扁扁咀~~ 

 

 

之後幾日, 誠俊都重會半夜喊,

直到爸爸返黎果日,

可能佢知道爸爸返,

所以夠鐘都唔肯上訓,

一直玩玩玩到夠鐘去接機,

去到機場就頂唔順....

Z..z..z...zz..

 

呢一刻,

佢2仔爺等左9 日喇~~

 

 

下次爸爸要帶埋我地一齊去旅行呀,

等仔仔唔洗心掛掛嘛~~

 

 

 

誠俊的第一個「畫展」

到呢一刻,

其實我都唔知誠俊有無畫畫既天分,

皆因我同爸爸對藝術都無咩天分

[哈]

 

呢d 畫全部都係誠俊係學校"畫"既,

與其話係"畫",

我覺得係玩顏料多d~~

 

好, 去畫展要有d mood 先似,

都係唔講咁多,

靜靜咁欣賞下先~~

 

2-mar-2013

 

21-oct-2013

呢幅畫重好有大師作品feel,

有埋畫家相~~

 

11-nov-2013 印印畫

21-nov-2013

 

好有口福, 不停食食食既11月~~

呢個11月我地一家都好有口福,

媽媽我又煮左好多亙野, 食左好多正野~~

YUM~YUM~YUM~

 

大家睇完肚餓訓唔著,

千其唔好話我呀!!!

 

先有簡易板意式雜菜燴雞腿~

啖啖肉, 蕃茄底酸酸地, 好好送飯~~

 

 

跟CHRISTINE 食譜既豉油雞~

http://www.christinesrecipes.com/

 

Christine 既食譜好簡單易做,

重要係佢同樣住係澳洲,

食材一定好易搵到~~

 

用Le Creuset既29 oval煮3斤雞,

size 啱啱好~~

 

 

夏天黎到, 爸爸去捉蟹蟹~~

新鮮既特別好味~~

我又煮左新既夏天菜 -- 涼拌西芹雞絲~

 

蒸野用30cm LC buffer一流~

蒸蟹原汁原味, good!!!

 

屋企有唔少海味, 想煮餐九大簋好耐,

襯返香港之前, 煮一大餐去好友家一齊分享~

炆冬菇花膠海參蠔士!!

 

好友重準備了鮑魚扒菠菜~~

好豪華喔~~~[感動]

 

 

前排國泰fanfare既$50機票, 目的地有perth,

我load左成日都買唔到俾婆婆~~ 

但就有朋友搶到, 超勁!!!

飛左黎perth探我地,

齊齊又去左食龍蝦牛排大餐~~

 

上星期去左朋友屋企bbq,

又食, 無錯!! 講明係 "不停食食食既11月" 哈哈!!

 

誠俊去到係咁玩個足球機~~

一碌碌係咁轉~~

哈哈~

 

第2 日又去屋企附近既餐廳飲茶食點心,

呢間餐廳開左好耐, 今次第一次去,

香港人開既, 估唔到又幾好味~~

 

誠俊之前一晚BBQ玩到好夜,

所以飲茶果陣都未訓醒~[哈哈]

 

 

除左蟹, 爸爸重有捉龍蝦返黎~~

捉龍蝦有難度,

所以唔係成日捉到~~

今次有2 隻, 真係好開心興奮!!!!!!!!!!!!!!

 

蝦頭同腳用黎煲湯~

 

 

細D個隻開邊煎, 用黎送素麵~~

 

大D個隻爸爸用黎炒E麵~~

好好鑊氣, 好好味道!!! 

       (佢好耐無出山下廚, 掌聲鼓勵!!!)

下個月就返香港喇~~

到時又會係另一個不停食食食既12月!

嘻嘻~