快樂的學校生活

誠俊都返左學(DAY CARE)半年喇,

由初初會喊會怕, 到而家日日都跑住去課室,

有時連我走, 佢都掛住玩, 都唔同我講BYEBYE~

就知道佢係度玩真係好開心~

 

 

今日佢又自己行去課室, 想要自己開門入去~~

 

 

 

我一開門俾佢, 佢即刻跑去入去~~~

點知..............

 

 

心急得濟, 仆左係度........哈哈~~

 

 

其實誠俊咁鐘意返學, 媽媽真係好安慰!!

因為我地要返工, 唔可以全職照顧佢,

初初返學既時候, 我地返工都會掛住佢,

 LUNCH TIME專登去睇下佢,

睇下佢開唔開心, 老師對佢好唔好,

但而家我都好少去探佢, 因為我知佢好開心, 好ENJOY同老師同其他小朋友玩~~

 

從每日老師寫既日誌記錄, 我都知佢一定玩得好開心~~

 

除左每日不停咁玩玩玩, 食食食, 訓訓訓之後~~

學校重安排好多有趣既活動俾佢地既一路玩, 一路認識呢個世界~

 

 

有時會唱歌跳舞, 打下鼓, 彈下玩具琴, 等佢地認識唔同既聲音~

有時會玩下冰粒, 摸下石頭, 木頭, 貝殼, 可以認識唔同既質感~

有時會去行花園, 摸下花花草草, 睇下樹樹雀雀, 認識大自然~

 

 

真係聽到都覺得興奮~~~

 

 

而且學校每日都有好多野食,

上午有茶點, 有午餐, 有奶奶, 重有下午茶~

D午餐好鬼豐富, 日日唔同款~

有PIZZA, 意粉, 沙律, 咖哩雞, 薯蓉.....

重有生果杯~~

 

 

誠俊日日都好開胃, 食得好HAPPY~~

連老師都攞佢黎做一週專題~~

 

 

 

 

 

 

 

 

 

老師用佢用專題係因為,

老師話誠俊係少數好享受食野既小朋友,

佢會主動去試唔同既新食物,

而且接受新食物能力比較強,

 

試過有一次廚師倣做左個新口味既"青瓜甘荀CAKE"俾佢地下午茶,

點知所有小朋友都唔接受, 唔食~~

得阿誠俊哥一個, 全部食晒!!!!

只係吐返D甘荀去黎[哈哈哈]~~

 

 

所以就係咁, 老師就搵誠俊做其中一個星期既主角~~~

估唔到, 誠俊為食真係出晒名!!!!!

 

 

 

 

2週回顧

上兩個星期既生活, 真係好悶, 好乏味~~~

首先, 我地3個又好似"車輪轉"咁輪住病~~
開始先係誠俊流鼻涕同咳. 之後到我, 再到爸爸,
大家一病, 全家就無晒生氣, 唉~~

加上爸爸上星期全天侯教潛水,
平日晚晚成9點先返,
星期六日又要教全日,
成日星期得我一個人湊住仔仔,
感覺好奇怪, 好似唔知點咁~~

總知媽媽既心情就麻麻喇~

不過, 誠俊無左爸爸同佢玩, 都仍然好開心~
前幾日, 佢又學識講多一樣野, 就係----蕉蕉~~





果晚係屋企食完飯, 俾佢見到生果籃有隻香蕉,
其實都買左幾日, 但因為大家都咳, 所以得食個睇字~~



咁識誠俊既都知, 佢最鐘意食香蕉,
果一刻佢望住隻蕉, 望到好似同舊朋友10年無見咁樣~~
咁我見佢咁想食, 咁就同佢講,
你講"蕉蕉" 或者"NANA", 咁我就俾你食~~


跟住佢仍然望住隻蕉, EE哦哦,
我都同佢講, 你識叫就俾你食喇~~


其實我知佢係唔識講, 又唔想俾佢食, 所以先咁講~~

點知佢望住隻蕉, 再哦一輪之後,
佢突然爆出一句, "蕉蕉趙"....

呀~~~~~ 媽媽就係咁俾佢擊倒~~~~
估唔到香蕉既威力既咁勁~~~

但第2 日, 佢又唔講"蕉蕉" ,
但就望住果生果籃講"NANA"~~
搞到我都分唔清, 其實佢係咪真係識架!!??

不過有樣野我知佢係真係識既, 就係"HOT"&"熱熱"~
因為之前俾佢摸過幾次熱野, 包括熱水杯, 焗爐,
跟住佢就識驚, 怕怕,
所以而家同佢講D野係"HOT", 佢會縮手~~
好叻叻~

而媽媽最想誠俊快D學識既,
就係用匙食野~~

佢用手攞野食, 已經食得好好,
D手指仔都好有力~~

不過用匙食野就重未好成功,
一時得, 一時唔得, 就好似咁...........

要再努力練習先得!!
而媽媽暫時就要繼續努力抹[灰]~~

呢個星期好懶寫BLOG~~

我下星期有MOOD 再寫~~

出大牙 --- 發炆炆的誠俊哥

呢兩日媽媽都無返工,
因為誠俊哥發燒, 感冒兼出大牙~~
幾樣野大野一齊黎,
搞到平時開心快樂既仔仔都發晒炆炆~
好鬼陰公~~

呢幾日, 誠俊好似變左第2個人,
唔肯食野, 咩都唔食~~
就算肯食, 都只食一兩啖~~

全日都好唔開心,
重不停EE嗚嗚係咁扭計~~

夜晚訓得唔好,
半夜又發燒,
2日就即刻瘦晒~~
面仔都尖晒~~~

真係見到都心痛~~

尋日下午睇完醫生,
終於有抗生素食~
(其實星期一已經睇過一次,
但情況未係好嚴重, 無藥食~~)

食左藥之後, 晚飯有返少少胃口,
食左半碗南瓜粥,
夜晚都訓得好左,
今日精神OK,
可以返返學~~

有時見到仔仔咁辛苦,
佢又唔識講邊度唔舒服,
爸爸話真係想幫仔仔受晒呢D苦....

尋日有返少少 mood 玩,
但精神真係麻麻~~

新地方~~~~sooo fresh~~~

誠俊哥由Yahoo! Blog搬左黎呢度喇~~

快D係左手邊, 誠俊哥張相隔離Click一下, Follow 我地喇~~~